MA'RUZA. BORLAND C++ Builderda Standard bo’limi komponentlari va ularning xossalari

Standard komponentalar 

Komponentalar palitrasining Standard qo’shimcha ilovalari komponentalari sizning dasturingizga Windows standart interfeysli elementlarning 14 tasining ulanishini amalga oshiradi.

  TMainMenu 

Bosh menyu komandalari Panelini va ularga mos keladigan tushib qoladigan menyularni yaratadi. Barcha menyu komandalarining identifikatorlari menyuning har qanday konkret komandasiga kirish huquqiga ega bo’lgan Items xususiyati bilan aniqlanadi. AutoMerge xususiyati Merge va UnMerge metodlari bilan birgalikda turli shakldagi menyularning birlashish jarayonini boshqaradi.

TPopupMenu

Shakl yoki bironta boshqa komponenta uchun maxsus menyu yaratadi. E’tiborga oling, aynan shu maqsad uchun har qanday boshqa komponenta PopUpMenu xususiyatiga ega bo’lib, bu xususiyatda siz uning bilan bog’liq menyuga iqtibos qilishingiz mumkin.

Agar siz sichqonchaning o’ng tugmasini shaklga yoki berilgan komponenta mansub bo’lgan biron boshqa elementga bosish bilan maxsus menyu ekranda paydo bo’lishini xoxlasangiz, AutoPopUp xususiyatining true qiymatini o’rnating. Voqea qayta ishlatgichi - OnPopUp yordamida bevosita maxsus menyuning paydo bo’lishi oldidan bajariladigan protsedurani aniqlashi mumkin.

TLabel

Shaklda tahrir qilib bo’lmaydigan statik matnning to’rtburchak sohasini aks ettiradi. Odatda matn boshqa komponenta nomidan iborat bo’ladi. Nom matni Caption xususiyatining qiymatidir. Alignment xususiyati matnni tekislash usulini aniqlaydi. Shrift o’lchami avtomatik tarzda sohaning maksimal to’ldirilishiga mos kelishi uchun, AutoSize xususiyatining true qiymatini o’rnating. Kalta soha ichida matnning hammasini ko’rish imkoniga ega bo’lish uchun, WordWrap xususiyatining true qiymatini bering. Transparent xususiyatining true qiymatini o’rnatsangiz, boshqa komponentaning bir qismini to’g’ri uning ustida joylashtirilgan nom orasidan ko’rinib turadigan qilishingiz mumkin. 

TEdit

Axborot yakka satrining tahrir qilinayotgan kiritishidagi to’rtburchak sohani shaklda aks ettiradi. Tahrir sohasining ichidagi boshlang’ich narsalarni Text xususiyatining qiymati bo’lgan satr aniqlaydi. TEdit komponentasi TCustomEdit sinfining to’g’ridan-to’g’ri hosilasi bo’lib, uning barcha xususiyatlari, metodlari va voqealariga vorislik qiladi. 

TMemo

Axborot ko’plab satrining tahrir qilinayotgan kiritishidagi to’rtburchak sohani shaklda aks ettiradi. Tahrir sohasining ichidagi boshlang’ich narsalarni Lines xususiyatining qiymati bo’lgan satrlar massivi aniqlaydi. Ushbu xususiyat qiymati ustunida tugmachani bossangiz, ro’yxat elementlari muharririning darchasi ochiladi. TMemo komponentasi TCustomMemo sinfining to’g’ridan-to’g’ri hosilasi bo’lib, uning barcha xususiyatlari, metodlari va voqealariga vorislik qiladi.

 TButton 

Yozuvli to’rtburchak tugmani yaratadi. Tugmacha bosilganda, dasturda biror-bir hatti-harakat nomlanadi (initsiallashtiriladi). Tugmachalar ko’proq Dialogli darchalarda qo’llanadi. Default xususiyatining true qiymati tomonidan tanlab olingan yashirin tugmacha, Dialog darchasida har gal Enter klavishasi bosilganda OnClick voqea qayta ishlatgichini ishga tushiradi. Cancel xususiyatining true qiymati tanlab olgan bekorqilish tugmachasi, Dialog darchasida har gal Escape klavishasi bosilganda, OnClick voqea qayta ishlatgichini ishga tushiradi. TButton komponentasi TButtonControl sinfining hosilasi hisoblanadi.